Fai catro anos rogamos a creación dunha senda peonil entre o casco urbán e a praia fluvial, e pese o silencio administrativo, logrouse a consecución das beirarrúas entre a N-VI e o muíño.
Despois de solicitar fai dous anos a súa continuación, cun novo silencio administrativo, volvemos a repetir dita petición.
Nesta solicitude vai a continuación das beirarrúas ao longo do perímetro da área recreativa para conectar coas rutas de sendeirismo existentes, e a mellora da pista paralela á zona de baño do río Parga que proporcionaría maior seguridade aos viandantes (veciños/as, visitantes, scouts, peregrinos/as), aos bañistas da praia fluvial (na gran maioría nenas/os).
Tamén engadiamos unha vella demanda, o desenterramento da cara norte do muíño; un símbolo etnográfico histórico, cultural e patrimonial.
O Concello de Begonte pode acollerse ás distintas axudas/subvencións en concorrencia competitiva, de Turismo, Medio Ambiente da Xunta (esta anualidade potenciadas polos fondos NextGeneration da Unión Europea).
As mesmas contarían cunha elevada puntuación dada a súa situación en pleno Camiño Norte de Santiago, ademais de estar situado en Rede Natura 2000, ZEC Parga-Ladra-Támoga e Reserva da Biosfera Terras do Miño.
Parque infantil
Ante o desmantelamento do C.E.I.P. de Baamonde, solicitamos a cesión do parque infantil para o seu traslado á praia fluvial de Baamonde.
O parque, financiando integramente pola Deputación de Lugo só puido ser desfrutado polos pícaros dous cursos escolares. Este curso non pode ser utilizado ao estar as instalacións pechadas.