O CERCUD a salvagarda do Castiñeiro de Baamonde

Castaño de Baamonde
Castaño de Baamonde. Aos seus pés pasa o Camiño Norte de Santiago.

Contribuir, atender e defender o medio ambiente natural e arquitectura local, procurando exaltar os particulares valores destos aspectos dentro das suas características ambientais é un dos diversos fins do Centro Recreativo Cultural e Deportivo de Baamonde.

O CERCUD recibirá unha subvención de 3.650 euros da Consellería de Medio Ambiente ao abeiro da orde de axudas para a conservación, protección e mellora das árbores e formacións incluídas no Catálogo Galego de Árbores Senlleiras.

O Servizo de Patrimonio Natural valorou en prioridade máxima (1 sobre 4) as actuacións plantexadas no Castaño de A Capela, máis coñecido como “Castiñeiro Milenario” ou “Castaño de Baamonde” situado no atrio da Igrexa de Baamonde.

Castaño Baamonde
Este castaño (Castanea sativa.) de idade aproximada de máis de 500 anos conta con 13 metros de altura e 11 de diámetro de copa.

50 aniversario

Este castiñeiro salvouse de converterse en achas, nas obras de ampliación e mellora da estrada Nacional VI no ano 1971, grazas á intervención de Víctor Corral.

O escultor encerrouse dentro do oco que albergaba o exemplar, limpou e saneou o seu interior deixando no oco interior do castiñeiro o seu sinal, un bonito altar no que tallou á Virxe do Rosario, patroa de Baamonde.

Os medios de comunicación fixéronse eco desta curiosa fazaña e foi tal o balbordo que se organizou, que o castiñeiro non puido ser cortado, quedando como un auténtico monumento vivo digno de toda admiración. Víctor Corral seguiuno coidando e en cada unha dos seus engurras que formou o tempo, tallou con gran coidado pequenos detalles de animais, mans, etc.

Outras actuacións

O CERCUD tamén solicitou unha axuda a Deputación de Lugo ao abeiro das subvencións destinadas ao desenvolvemento de actuacións de posta en valor do patromonio natural, cultural e paisaxístico da Reserva da Biosfera Terras do Miño.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.